આગામી ફિલ્મ ફતેહ માટે સોનુ સુદ કરી રહ્યો છે ખુબજ મહેનત ! એક્ટર નો આ વિડીયો થઇ રહ્યો છે વાયરલ…જુઓ તસવીરો
બોલિવૂડ એક્ટર સોનુ સૂદ આ દિવસોમાં પોતાની આગામી ફિલ્મ ‘ફતેહ’ને લઈને ચર્ચામાં છે. અભિનેતા આ ફિલ્મ માટે ઘણો પરસેવો પાડી રહ્યો છે. તાજેતરમાં અભિનેતાએ તેના ટ્વિટર હેન્ડલ પર એક વીડિયો શેર કર્યો છે. જેમાં તે મેદાનમાં શર્ટલેસ દોડતો જોવા મળે છે. તેની ફિટનેસ જોઈને તેના ફેન્સ ખૂબ જ ઉત્સાહિત છે.
આ વીડિયોમાં અભિનેતા પરફેક્ટ ફિટનેસ ગોલ આપી રહ્યો છે. સોનુ સૂદનો આ વીડિયો હાલ સોશિયલ મીડિયા પર ખૂબ જ ઝડપથી વાયરલ થઈ રહ્યો છે. જે તેના ચાહકો દ્વારા પણ ખૂબ પસંદ કરવામાં આવી રહી છે. તમને જણાવી દઈએ કે એક્ટર હાઈ ઓક્ટેન એક્શન ફિલ્મ ‘ફતેહ’ માટે ચોવીસ કલાક કામ કરી રહ્યો છે. તેની ફિલ્મમાં તેનો નવો અવતાર જોવા મળશે.
Fateh 🏃
Guess the location 👍 pic.twitter.com/PElQzTHnGx
— sonu sood (@SonuSood) June 1, 2023
ઉલ્લેખનીય છે કે, ફિલ્મ ‘ફતેહ’માં સોનુ સૂદ સિવાય અભિનેત્રી જેકલીન ફર્નાન્ડીઝ પણ લીડ રોલમાં છે. આ ફિલ્મમાં શિવજ્યોતિ રાજપૂત અને વિજય રાઝ પણ મહત્વની ભૂમિકામાં જોવા મળશે. વૈભવ મિશ્રા દ્વારા નિર્દેશિત આ ફિલ્મ સોનુ સૂદના હોમ પ્રોડક્શન શક્તિ સાગર પ્રોડક્શનના બેનર હેઠળ બની રહી છે. ફિલ્મ ‘ફતેહ’ની વાર્તા સાયબર ક્રાઈમ પર આધારિત છે. જેની સ્ક્રિપ્ટ પર સોનુ સૂદ લાંબા સમયથી કામ કરી રહ્યો હતો. અભિનેતા તેની ફિલ્મ માટે પ્રોફેશનલ હેકર્સને પણ મળ્યો છે. તેની ફિલ્મ જોવા માટે ચાહકો ખૂબ જ ઉત્સાહિત છે.